美高原來係體操高手

每逢奧運亞運港人愛看體操，香港近年爆出「跳馬王子」石偉雄，但原來美高亦是箇中好手，真係估佢唔到：「我家鄉塞爾維亞設有各種體育訓練提供當地小童，我9歲前已接受過嚴格體操訓練，單槓、雙槓、跳馬我全部都會。」不過他說因為很久沒練習，亦害怕受傷影響表現，所以一直收埋絕藝唔會輕易顯露兩手。

大鄉里出城 人多唔慣

有體操的基礎，美高轉踢足球亦特別快上手，30歲前一直在國內落班，直至6年多前時任沙田主帥的同鄉狄恩推薦，自此來到香港發展，且一踢就足足6年。「我家鄉的小鎮人口不足4,000人，因此習慣了寧靜，來到人口稠密的香港最初很不習慣，但相對在港起居生活亦非常方便，而且一直有球會落班，所以決定留下，只是子女因升學問題必須返回家鄉，現由妻子照顧。」

美高6年以來在港都能落班，雖只效力中小型球會，但他並不自卑，並稱這是香港特色：「香港足球的最大特色就是今日唔知聽日事，很多球隊每季都幾乎會重新組軍，其實大球會或小球會差別不大，只是薪金高低而已，而我每次落場都交足100%。」再捱多半年就可達標，居港滿7年申請入籍成為本地球員，美高的足球生涯將有機會延續下去。

對於M字額，美高笑說父親都是這個髮型，是家族標記：「很多球迷都因此認得我，今季有一班學生更長期來捧我場，很多謝球迷支持，我的髮型冇得變，就像我每場拚盡的比賽態度，一樣不會改變。」

圖／文：黃兆崑、部分相片由受訪者提供