正所謂人有相似，憑肉眼認出一個人嘅國籍唔係一件容易嘅事，若然佢打扮上有改變就更加充滿難度，好似近期人氣上升嘅G奶黑妹佐野千晃，唔係畀人誤會佢係尼泊爾妹，就以為佢係混血兒，事實上千晃乃係百分之百嘅日本琦玉縣人。
近幾年韓風大盛，小弟因為個名有個賢字，加上個樣又好似韓國仔咁帶幾分青靚白淨，搞到好多人都以為我係韓國人，其實我由內到外都係中國人，流住偉大祖國嘅血！咁都搞錯，真係激死人喇！相信新一代日本寫真偶像佐野千晃亦感同身受，因為阿妹成日被人誤會係尼泊爾妹。
23歲嘅千晃係地道日本妹，但係外表有啲鬼鬼哋，五官標致，論甜美亦勝過好多日本蘿莉系妹妹，兼且帶有一份野性風韻。身材方面，千晃就真係似外國人，特別係歐美女仔，胴體凹凸有致，豐滿得嚟又健美，上圍嘅G Cup美巨乳又大又挺，加埋一身古銅膚色，難怪被人誤會係尼泊爾妹。
千晃喺2014年踏足日本寫真界，當時阿妹仲喺亞細亞大學修讀經濟系，而佢以健美帶黝黑嘅火辣胴體現身寫真界可以話為業界帶來一番驚艷，更加令人覺得係經典重現，咩咁經典呢？70年代，日本寫真界嚟咗一位外來之星，名字叫Agnes Nalani Lum，係一位華裔美國人，其帶有混血兒Feel嘅面孔、豐滿婀娜嘅身材以及黝黑膚色，令當時嘅日本男人硬起來，紅極一時！而千晃則同呢位堪稱經典美人生得非常相似，所以咪話佢係經典重現囉。不過，千晃仲嫌自己嘅身材唔夠弗，近期不斷努力運動，希望鍛煉出更動人嘅體態。早前佢參加名古屋一個半馬拉松比賽，以1小時35分19秒嘅佳績，贏得20歲至29歲組別嘅第一名，睇嚟阿妹唔拍寫真都可以轉做體育選手喎！
簡介：佐野千晃每日都做運動，仲會喺微博上透露做過邊種運動，有心想做運動促進健康而又冇動力嘅朋友，不妨Click上阿妹嘅微博睇睇，話唔定會畀千晃感染到。
網址：https://twitter.com/chaaachin8
年齡：23歲
身高：5呎2吋
三圍：35G-24-35
撰文：賢