舒米高撐乖仔曼聯封王
英超進入最後直路，榜首的李斯特城只要今個星期日擊敗曼聯就可一圓奪冠美夢。在此緊張關頭，曼聯傳奇球星丹麥鋼門舒米高來港訪問，為英超官方計時器TAG Heuer做宣傳，正所謂「手心係肉，手背又係肉」，舒米高在囝囝所屬的李斯特城同曼聯之間如何取捨？答案係親情勝過一切，舒米高梗係撐自己個仔！
52歲的舒米高來過香港好多次，最早係87年賀歲波隨丹麥勁旅邦比來港，3年前曼聯對傑志表演賽記者會他亦有來港宣傳，以往在港做訪問都係講曼聯，但今次變成「親子訪問」，因為囝囝卡斯柏舒米高是李斯特城正選門將，如今李斯特城奪冠在望，而且周日撞正對曼聯，「舒爸爸」說：「星期日會入場看比賽，一定會很精彩，我很愛曼聯，一輩子也愛這支球隊，但我更愛我的兒子，血緣關係比任何關係都重要。」
歐聯決賽睇好曼城鬥拜仁
奪冠重要時刻來臨，究竟舒米高有沒有說話想對兒子說呢？「其實很久以前已經跟他說不需證明甚麼，如果太急於證明自己，踏入球場會變得太急進，就會有錯漏，要做的就是享受比賽。」雖然兩父子都是鋼門，但愛子心切的舒米高揚言外間不應拿二人作比較，實行為乖仔減壓。有傳卡斯柏舒米高來季有機會加盟曼聯，舒米高認為目前最重要是拿到冠軍：「球圈經常有不同傳聞，我認為囝囝應該集中精神踢好最後3場比賽，當冠軍到手後再去想其他問題。」
歐聯進入最後四強，舒米高的決賽心水是曼城對拜仁，至於今夏歐國盃，佢睇好德國、法國同英格蘭，冷門就揀奧地利，當然仲有「奇兵」比利時。