生活真係辛苦，每日都要忙於工作之餘，仲要為荷包而煩惱，因此日本就出現治愈系女優，即係指呢啲女優有令人忘卻煩憂嘅感覺。講到治愈系美少女，喺內地模特兒界同樣有呢類型囡囡，佢就係憑住一對迷人巨乳同俏麗外形，而療愈人心嘅趙小米。
嚟自北京嘅19歲趙小米，英文名叫Kitty，除咗係一位性感迷人嘅寫真模特兒外，本身亦係一位大學生。現於天津師範大學讀書嘅佢，自細憧憬成為模特兒，故此佢邊讀書邊兼職做Model，憑住俏麗嘅外形，確實有足夠嘅本錢喺業界闖出一番事業。雖然佢從事模特兒工作時間唔算太長，卻唔代表佢唔夠專業，因為佢對於自己嘅工作態度有着嚴格嘅要求。須知道唔少寫真模特兒，為咗可以獲得平穩嘅收入，都唔介意私拍寫真，然而，小米只會接受商業拍攝嘅工作，原因係為免私拍工作影響到自己嘅專業。
外形出眾嘅小米深得大家嘅歡心，推出嘅寫真都獲得理想成績，而每次到外地拍攝寫真，亦同樣獲得唔少粉絲支持，除咗因為佢天生麗質以及身材火辣之外，專業態度亦係備受讚賞嘅一大原因。有曾經同佢合作過嘅攝影師表示，為咗可以令拍攝效果更加突出，面對攝影師嘅要求阿妹都會一一照做，唔會有任何怨言，作為一位新進模特兒，實在難得。
講到小米之所以會被喻為治愈系嘅寫真模特兒，則要從佢嘅上圍講起，只係大家千祈唔好心邪，以為因為佢對車頭燈夠激凸，令男士為之興奮。事實上，佢得到呢個稱呼，係因為佢對純天然巨乳，不但令人有一種清新嘅感覺，配合埋佢純情又天真嘅性格，更令人有種恍如遇上天使嘅感覺。除咗以純情魅力，攻陷大家嘅眼睛同心靈外，佢嘅撒嬌功力亦相當厲害，好似早前佢喺微博表示：「今天我是一個小精靈。你喜歡精靈嗎？」加埋佢可愛到爆燈嘅自拍照，試問有邊位粉絲唔會被佢融化呢？
講到性格，小米自稱屬於溫柔又調皮，事實上透過佢喺微博分享嘅生活點滴中，亦可以睇得出佢呢種特徵，例如佢最愛分享大頭蝦事情，或者整蠱人嘅搞笑事，呢啲都可以凸顯到佢嘅真性情，讓人更加了解佢。此外，其他女仔上載生活照時，總係化晒妝，但係佢就一啲都唔介意素顏示人，予人好Pure好清純嘅感覺。從呢點可以發現，佢對自己嘅外形相當有自信。
簡介：小米自細就希望投身模特兒界，並且能夠闖出一番成績，佢擁有極具魅力嘅外形，以及純真又可愛嘅性格，但仍然每日都努力鞭策自己，唔希望鬆懈，而令到工作受影響，憑住呢點就值得大家支持佢。
網址：www.weibo.com/u/5120766567?is_hot=1
出生地：北京
身高：165cm
三圍：35、24、33
撰文：魂