豬仔：土炮爭位靠「爆肌」

「豬仔」與17歲出道的葉鴻輝同樣少年成名，無奈近年不少年輕門將難尋機會。「豬仔」不欲揠苗助長：「有啲年輕人若夾硬推出去，反而會令到佢哋飄飄然。飛馬嘅袁皓俊正好相反，需要慢慢累積經驗同信心。」

「英雄輝」鬥心要學

AC米蘭年輕「神龍」基安盧基當拿隆馬16歲便有1.93米身高，香港門將難以媲美，「豬仔」致力改善缺點：「土炮一定要勤力做GYM，保持爆炸力。像『德古』曾文輝雖然細粒，但彈跳力出眾，作為門將教練，便需將佢哋嘅優點變得更強。」

從19歲東亞運金牌成名以來，「英雄輝」一直坐穩港隊門神位置，豬仔坦言阿輝的正面態度及鬥心，正是年輕球員需要學習，也期望其他門將時刻Ready：「即使只係上陣1分鐘，門將亦要給人穩陣信心，而且球會風格同港隊有別，若然在港隊嘅訓練未符我嘅要求，我亦只好將佢剔走。」