「甜瓜」安東尼戴綠帽？
安東尼捲入「綠帽」疑雲？這位紐約人前鋒與明星老婆LaLa向來恩愛，出席大小場合定必「糖黐豆」到場，不過1位叫Patrice的女子，竟於互聯網炮轟LaLa破壞其美好家庭，給頂綠帽「甜瓜」戴！
網上留言指瓜嫂勾人老公
據美媒《Elite Daily》爆料，Patrice在LaLa的instagram留言，並將內容轉載給安東尼的帳號，Patrice稱：「你（安東尼）知唔知你老婆坐我男友大脾？佢（LaLa）同我男人過夜、睇戲，我個女依家每朝起身都見唔到老竇呀，你點睇呢位蕩婦？」
現年32歲的LaLa昨於互聯網作出回應，稱「冇人憎你即係代表你唔紅」，言下之意指有人捏造新聞，留言亦獲得近1.6萬名「追隨者」畀Like。