現今嘅內地模特兒為咗提升認知度，都鍾意將個人資料同工作履歷擺上網，等大家可以深入地認識佢。不過凡事總有例外，喺網絡及寫真界人氣極高嘅內地模特兒李查兒，卻反其道而行，關於佢嘅種種資料極少，卻憑住呢種神秘感惹起大家嘅關注。
今年21歲，出生於北京嘅模特兒李查兒，早於2013年前出道，模特兒經驗相當豐富。事關佢出道至今，已經推出超過10套寫真集。不過除此之外，翻查資料後發現，佢更係上海戲劇學院嘅畢業生，換言之呢位模特兒最大嘅賣點，唔單止俏麗嘅樣貌，以及前凸後趷嘅身材，經過演技訓練，理論上對演戲亦有一定功力。不過仍以寫真模特兒為主戰場，暫時仍未有機會欣賞得到佢嘅演技。此外，佢另一個迷人之處，則在於佢嘅神秘魅力。事關除咗知道佢嘅基本資料外，其他嘅履歷則係一片空白。有網民稱佢可能以其他藝名從事表演工作，亦有網民稱呢種係宣傳方法，透過保持神秘感從而挑起大家嘅好奇心。究竟真相係點，相信只有佢先至知道。
雖然有關佢嘅資料唔多，但仍可從其微博嘅資料中，搵到少少線索。好似佢以「圖書館裏的女孩子」作為其微博嘅名字，呢點已經夠晒特別。須知道內地模特兒嘅微博，絕大部分都係用上藝名、英文名或暱稱，極少會見到以呢種咁側面嘅方法嚟起名。從呢點可以睇出，佢想突出自己並非徒具外表，而係一位有知識，又與眾不同嘅美女。不過與此同時，佢可能又唔想令自己顯得太過出塵關係，喺自己嘅簡介中便寫有「喜歡百家樂。喜歡手錶。」嘅說話。可能有人覺得佢未免有啲拜金，只係從另一個角度嚟睇，卻不難發現其實佢想顯示出自己，其實亦係凡人一個，唔通大家真係以為佢做模特兒，係為咗興趣咩？
雖然關於李查兒嘅資料極少，但好彩嘅係佢經常喺個人微博更新動態，有時更會上載性感寫真同大家分享，當然唔少得內心世界嘅剖白啦！如果想窺探呢位神秘索模嘅內心深處，記得唔好錯過佢嘅微博。
網址：www.weibo.com/mmmmmmmr0n1y
出生地：北京
身高：163cm
三圍：33、23、33
撰文：魂