決賽冤家聖誕再鍊過

NBA常規賽揭幕戰將於香港時間10月28日展開，騎士作客對公牛及鷹隊主場鬥活塞，將會係2015至16年球季首場賽事。騎士與公牛上季喺東岸準決賽交手，騎士喺路夫同艾榮先後因傷缺陣、JR史密夫停賽兩場的情況下，仍然以4比2淘汰公牛。如今這對東岸冤家於揭幕戰狹路相逢，必然會上演一場好戲。

勇士首仗獲頒冠軍指環

看完騎士對公牛或鷹隊鬥活塞後，球迷還可以看到另一場精彩對決，就係勇士主場對塘鵝，聯盟將會把上季的總冠軍指環頒發給勇士，並在勇士主場升起冠軍旗幟。塘鵝係上季首輪被勇士淘汰的對手，今次捲土重來能否交出更出色的表現，相信係球迷最關注的地方。

聖誕大戰場場巨星壓陣

至於一年一度的聖誕大戰（香港時間12月26日上演）將安排5場賽事，每場賽事都有巨星壓陣。當中以騎士對勇士這場賽事最為重要。這場賽事是上季總決賽的翻版，假如騎士一眾球員皆冇傷冇病，加上艾榮和路夫臨場打出高水準，球迷或許能看到跟總決賽完全不一樣的結果。