浪漫唔可以逼出嚟，但培養浪漫性情或者要學Zsanett Tormay咁日逼夜逼方可成大器！為追求夢想，由匈牙利跳到意大利，選擇一條有去無回嘅路，雖未成功，但已贏盡巴打掌聲！
「從不做蠢事嘅人，亦永遠唔會有任何創意之舉」，咁至理名言你一定聽過，咁巴打們又有冇實行過呢？蠢事大家日日做，當然冇學匈牙利妹Zsanett Tormay咁有書唔讀有福唔享，為咗「意大利」三個字餓住肚皮過去唔知做乜好！喺三年前阿妹就落實執行，你可以話佢90後任性，又可以話佢死蠢，不過阿妹統統唔在乎，只要飛到意大利體驗歌劇帶畀佢嗰份浪漫，阿妹就心滿意足喇！
據Zsanett表示自小已浸淫喺戲劇及音樂世家，無奈認為匈牙利無法帶佢進入真正歌劇世界，因此終日都掛住要出走，結果畢業後非為工作打算，反而粒聲唔出買機票飛去意國，當時佢身無分文，加上父母亦不贊成，要靠自己撐下去，唯一可做就係Model！
論樣貌阿妹冇得輸，論氣質可謂贏模界九條街，但又如何，唔識意大利文又冇後台撐，想有人睇得起簡直發夢！誓言不成功不回國嘅Zsanett喺窮途末路下惟有豁出去做裸模！
為過得心安理得，Zsanett經常對自己話裸模都係藝術工作一種，因此裸露係應該覺得光榮，無奈現實殘酷，露出者可以自我陶醉，但觀者就用色情角度，所以無論剝得幾有美感，巴打都只當色情寫真觀賞，露得愈耐阿妹愈心淡，可惜夢想仍然未有機會實踐，惟有更加努力，由昔日喺唯美網站Met Art狂露，變成如今十多個網站晒咪咪。佢曾經喺訪問表示，早已習慣無衫工作，喺放假日子反而唔自然，不經不覺喺模界打滾四年，未知Zsanett係咪被現實消磨意志，今日佢竟然話無意再追尋夢想，事關覺得裸模更適合自己喎！
Zsanett喺網站專訪時解釋，隨住年紀漸大更了解自己喜好及需要，雖然熱愛歌劇浪漫，不過鍾意用行動多於言語，人愈大愈少出聲，即係少說話多做事，所以佢希望透過行動去展現浪漫一面，裸模嘅工作正正係佢需要。今日嘅Zsanett就算剝衫都要有美感，更發覺市場上欠缺一位有浪漫氣質嘅裸模，人人都視裸體為工作，佢希望透過自己副偈感染觀眾，但睇怕要全球巴打學識多角度欣賞佢難過唔再睇佢晒咪囉！
簡介：Zsanett嘅寫真實在太多，鍾意睇美感嘅可以去Met Art慢慢睇，但如果想了解阿妹更多，一定要去呢個網，有相睇又有專訪，感受吓阿妹浪漫氣息，人都高貴啲啦！
網址：www.thenude.eu/Zsanett%20Tormay_24899.htm#Bio
出生日期：1993年11月30日
三圍：32B-22-33
身高：5呎5吋
撰文：祖