出席勞倫斯獎喜見愛隊偶像

入選本年度勞倫斯體育獎候選名單,梁育榮滿心歡喜到上海赴會,為的未必是領獎,而是希望與偶像見面,他說:「我是曼聯球迷,最喜愛的球員是曾踢過曼聯的C朗,雖然今次見不到他,但竟然能與卡富及簡東拿合照,已經好開心。」

最愛睇足球 撐巴西曼聯

其實「肥榮」只是行動不便,日常生活及娛樂同普通人一樣,鍾意打機、睇波,和他傾波經更是滔滔不絕:「睇世界盃我支持巴西,英超就一定睇曼聯,可惜『紅魔鬼』近兩季唔爭氣,我都好唔開心。」

為咗睇波,「肥榮」表示有時候不惜要捱夜,再與工作及練習時間進行「協調」,他說:「現時體院逢周日可以全日朝九晚五給我們練習硬地滾球,因此周六晚睇英超都會『就一就』,只睇半場波,其餘賽事睇精華。」

至於打機,當然係打Winning,他說:「我沒有特定球隊,球員是我自設角色,球員名就是『梁育榮』,還會在網上約戰對手。」