你以為裸模靠裸體，形象只係多餘？錯錯錯，假如囡囡純粹靠肉慾就滿足到你，呢位裸模一定唔襟擺！相反有個性嘅裸模，即使只露條波罅，你一樣興奮，咁先算成功。Helga Lovekaty花近三年時間，先談得上建立形象，咁索嘅女都要咁長時間，你話其他女又要幾耐呢？
裸模Helga Lovekaty，九十後俄妹一名，欣賞藝術美感，嚮往旅遊自在生活，未當Model前曾想過參加選美，希望勝出後可以代表國家到其他地區參選，既可滿足貪靚性格，又可周遊列國，但同時阿妹覺得選美太多規限，太少自由，事無大小都要兼顧體面，到最後打消念頭，而Helga發覺其實做Model一樣可滿足到自己，於是喺2010年就去潮流雜誌自薦當Model。
模特兒工作多姿多采，初入行嘅佢覺得好開心，既可以扮靚又可以四圍去，一切有人安排，可謂照顧周到，但日子耐咗，Helga就明白Model即係衣架，一日着上牌子嘅衫褲，一日都要滿足客戶需要！唔忿氣受局限，結果兩年後憑住喺業界人脈，決定踏隻腳入裸模界一試，希望將自己真正一面公諸於世，更改個好男性化名字Margo喺歐洲出道！
你可以笑Helga太天真，一位乳臭未乾俄妹，公司又點會畀佢咁大自由度，隨意展現個人性格，況且有乜需要非公開不可呢？所以，即使佢主動要求剝衫，喺大公司規矩下，都要聽教聽話，攝影師要點影就點影，無得Say No，好在Helga都算醒目女，據佢喺一篇鹹網專訪表示，當時成人網連佢用Margo呢個名都話有問題，因此阿妹喺其他網站如BODYINMIND及RYLSKY ART等就沿用番Helga，希望得到公司重用。至於寫真都係無得揀，一切按公司決定，為咗繼續演出同時得到更大自由度，Helga表示花近兩年時間，逐步同合作單位提出意見，先有機會建立今日嘅型女形象喎！
咁Helga有幾型呢？如果你有留意，近年阿妹嘅寫真甚少行行企企甫士或刻意挑逗感覺。Helga妹解釋一切都要按當下氣氛、情緒及服飾即席發揮，佢話咁至有Feel。今日巴打的確覺得佢好型，簡單一個攬頭抱腰，不經意露出，嚟得自然又不失性感。呢啲咁空泛嘅嘢，恕細佬無時間慢慢欣賞，我只知其實佢副偈已「性」於一切，全天然35D-23-34，連選美佳麗甚或天橋模特兒都冇佢咁Fit，再加阿妹又唔吝惜，上山下海任影唔嬲，玩形象即係玩性格，但花咗五年時間去煲「出味」，係咪餵得飽你先？
簡介：乜都要型嘅Helga妹目前寫真唔多，加上又唔多玩社交網，所以巴打想起底都有啲困難，假如你想知道，一定要去indexxx(目及)實，Keep住更新阿妹資訊，一定唔會錯過囉！
網址：www.indexxx.com/models/69756/margo-4/
出生日期：1992年4月7日
三 圍：35D-23-34
身 高：5呎9吋
撰文：祖