大帝做21哥心情靚
騎士昨在主場以110比79力挫塞爾特人，主將「大帝」勒邦占士轟入27分，除帶領球隊大勝之外，他於NBA累積得分榜更超越舊隊友雷阿倫，升上第21位。占士賽後鋪「雷神」相感謝對方的教導，又贈6萬美元（約46萬港元）名錶予「偶像」朗拿甸奴。
騎士昨日主場迎戰東岸弱旅塞爾特人贏得輕鬆，7名球員得分達雙位數，當中「大帝」獨得全場最高27分，成為球隊以31分大勝的功臣。這27分亦讓勒邦占士於累積得分榜更上一層樓，追過熱火舊隊友雷阿倫，以24,508分排第21位。「大帝」賽後謙稱：「當我得知今場後（累積得分榜）過咗雷阿倫，真係令我好感動。我信自己嘅職業生涯到目前為止都算唔錯。」
「大帝」其後在instagram上載「雷神」照片，指雷阿倫對自己在籃球、家庭等方面都有不同啟發，感謝「雷神」的教導。在體壇有不少朋友的占士，日前將自己與瑞士名牌愛彼錶合作設計的限量版名錶，送給巴西足球名將「細哨」朗拿甸奴。「細哨」收到禮物後心情大靚，在社交網站鋪相「晒錶」，並感謝老友送禮。
金塊炒梳爾即止血
另外，金塊昨日憑加連拿利攻入26分，主場以106比95擊敗公鹿，終止6連敗，在日前炒掉教練梳爾後即贏波。
