魯爾:一世都係皇馬人

正在香港準備AET羊年賀歲盃的美國紐約宇宙隊,陣中風頭躉、西班牙球星魯爾昨日接受傳媒訪問,對話中完全令人感受到他對皇馬的深厚感情,他表示自己一世都是「皇馬人」!對於舊隊友基斯坦奴朗拿度,在早前「馬德里打吡」輸波後開P一事,他不願意作評論,但表示愛隊有獎盃最緊要!

避談C朗慘敗後開P

魯爾母會皇馬於2月初的「馬德里打吡」慘吞4蛋,與魯爾於2009年做過隊友的C朗,輸波後繼續舞照跳,瘋狂開P慶祝生日,被球迷及傳媒狂插。魯爾BB不願多談此事,並說:「最重要係皇馬依家仲喺西甲排緊第一,仲有歐聯都有機會有好成績。我淨係想講足球嘅嘢,其他事就唔多講喇,總之皇馬捧盃就Good啦!」

這位西班牙老金童又表示皇馬就像自己的家一樣,自己一世都係「皇馬人」!至於會否在退役後返母會幫手,像前隊友施丹擔任B隊教練,現年37歲的魯爾就表示自己現時仍想踢波,但絕對有興趣再為母會作出貢獻。這位「狂牛射手」雖然表示未打算掛靴,並稱自己與宇宙隊簽了兩年合約,似是暗示至少踢多兩年,方再作打算。

首次Say No無意做班主

曾於皇馬夥拍魯爾的「肥哨」朗拿度,於去年底成為另一隊NASL球隊勞德代爾堡前鋒班主,成為繼碧咸之後另一位躋身班主行列的前皇馬球員。被問及有否興趣跟隨二人做班主,今次訪港扮演「Mr. Yes」的魯爾,終於Say No,邊講邊耍手擰頭,動作表情交足戲。