學生齊出DIY奇招吸客

維園年宵市場好有校園氣息呀！成班學生哥學生妹，喺維園年宵各出奇謀開檔！好似庇理羅士女子中學就玩DIY，將圍繞校園特色的東西，融入自家設計袋仔，勁吸引！至於九龍華仁書院的DIY路牌，就以「入U冇難道」最好賣！聖若瑟英文中學都唔弱，緊貼潮流推出攬枕，又有DIY產品又唱歌，真係冇得輸！難怪聽聞今次年宵未完，學生們都可以回本喇，認真叻仔叻女！趁住年宵進入最後衝刺，各位街坊去到維園，記得幫襯「十卜」佢哋喇！