初披宇宙戰衣必騷哥利
西班牙老牌金童魯爾去年宣布加盟紐約宇宙，到上周參加球隊的季前訓練營，才正式與新隊友一起操練。雖然磨合時間尚短，但魯爾表示自己狀態不俗，有信心可以踢場好波，讓香港球迷大飽眼福！
魯爾上周才開始與隊友一起練波，而且去年離開卡塔爾球隊艾薩德後，一直都未有比賽，究竟他能否與隊友產生化學作用？球迷自然十分期待。這位「狂牛射手」對此仗感到樂觀：「我同一班隊友，呢幾日都積極備戰，呢場係我代表宇宙嘅首場比賽，一定會踢場好波畀香港球迷睇！」魯爾近日練波時十分認真，或因避免受傷，總有點「就住就住」，但無論走位、策劃攻勢或埋門都盡顯功架，技術毫不生疏。
期待年初二睇煙花
魯爾大讚本港球迷十分熱情，2003年後再次到港十分高興，而且十分期待年初二巴士遊及睇煙花的行程，希望可以好好感受香江之美。