時代唔同，街場波牛邊青消失，流浪總監李輝立慨嘆搵兵唔容易，昔日流浪招考青年軍有二、三百人的墟冚場面不復見，在學界賽事搵兵更係「食檸檬食到驚」，因為許多家長都唔支持個仔入球圈，即場婉拒。
李輝立表示，以前搵波牛邊青入球隊，感覺自己像社工，現在改為湊學生球員，就要同學校夾時間：「以前在街場搵個波牛返嚟，我係用足球救番個後生仔，但有時會好激氣，依家搵學生就要先過家長嗰關，不過針無兩頭利，學生以學業為先，又要踢校隊，踢我哋球隊練波時間冇幾多，進步亦冇咁快。」
