英雄莫問出處，好多名人未成功之前都做過勞動階層。不過，所謂有麝自然香，有實力始終有出頭嘅一日，好似池田愛惠里呢位人氣正急速上升嘅水着妹就係好例子喇。阿妹成名之前又做過乜嘢職業呢？咪喺棒球場做啤酒妹囉！
人怕出名豬怕肥，一個人名成利就會惹來好多麻煩事，其中一樣就係畀人挖出舊事重提，而呢堆舊事當然係當事人唔多願再提啦。最近，人氣上升中嘅水着妹池田愛惠里就被人發現佢曾經喺球場賣啤酒，幸好嘅係佢根本就唔當啤酒妹係一項低下工作，更加以此為榮，認真叻女。池田愛惠里生得一副楚楚可憐相貌，木無表情嘅時候雙眼流露出引起所有男人憐憫之心嘅無辜眼神，而笑起上嚟又透出天真一面。阿妹五官標致，成個日本娃娃咁款。比起一般水着界同樣賣萌嘅女仔，愛惠里就嚟得更加身材激凸同高挑。愛惠里身高5呎5吋，胸前有一對37吋G-Cup美巨乳！呢對重量級導彈又大又雪白，且質感軟綿，一望就知係天然之物，對男人嘅視覺有極大震撼。
愛惠里喺2012年讀緊大學嘅時候加入水着界，當時佢參與時尚雜誌《ZAKZAK》舉辦嘅偶像企劃活動「ZAK THE QUEEN」，同眾多入圍女仔經過一輪訓練之後，再由讀者投票，愛惠里就憑住過人質素而榮登第一名喇。成名之後，愛惠里除咗繼續拍寫真，仲獲媒體請佢做記者，專門負責報道日本職業足球隊大阪櫻花嘅比賽實況。其實，愛惠里奔走波壇都唔係第一次喇，因為佢未正式做水着妹之前，曾經去到甲子園做啤酒妹，成日要孭住重重嘅啤酒游走觀眾席。據聞由於愛惠里笑容甜美，好多人都樂於幫襯，工作以來賣出啤酒達到487杯，阿妹一直都以此為榮。除此，愛惠里對於農務都好有研究，原因係佢父母都係農民，現正經營池田農園，仲話希望大家多啲嚟幫襯添。
池田愛惠里近期人氣火辣上升，大家可以從佢個博客見到阿妹成日外出工作，想知道愛惠里最近又做緊乜，就可以多啲上佢個博客喇。
網址：http://ameblo.jp/ikeda-aeri/
年齡：24歲
身高：5呎5吋
三圍：37G-24-35
撰文：賢