高比亂嚟累湖人輸波

高比拜仁（右）畀對手嘜實都唔交波，又真係獨食咗啲喎！

高比拜仁昨日表現不佳，就算手風欠順亦不斷起手「浪射」，雖然最終攻入25分，但全場起手次數佔湖人全隊三成以上，最終連累球隊輸波，「紫金軍團」教練史葛賽後表示可能在明日主場迎戰勇士一役收起高比，「小飛俠」聞言後表示理解教練用意，但亦指不想因休息而令身體調整出現差池。不過，14次起手7中，得到全隊最高26分的湖人新星歷克楊格就表示歡迎，直指高比仔連場拚搏需要休息時間，並叫隊友將進攻交給他處理，擺明以下犯上，莫非想乘機取代高比的王牌地位？

今仗只有4分進賬的後備控衞林書豪，亦暗諷高比打法獨食對球隊成績幫助不大：「你回想下我哋之前對馬刺場波嘅表現，呢個先係我哋應有打法。無私嘅打法會帶動全隊人去走動、畀波、得分。」數據上，林書豪的言論不無道理。

高比打少啲當幫忙

湖人在高比上陣時，每48分鐘就比對手少取得12.7分，相反他不在場時，球隊反而能淨勝對手7.8分，亦即是相差了20.5分，以此分析高比認真「佗衰家」。湖人於周三平安夜早上主場鬥勇士，「浪花兄弟」史堤芬居里及奇利湯臣射到着火，加上積蒙格連近仗大爆發，勇士作客亦夠贏湖人，勇士讓8.5分捧得過。

NBA明日賽程 (香港時間)	NBA昨日戰果	NBA今日賽程

本報綜合報道