在傳媒村居住了10日，其實已經習慣了，每個單位都係千呎大屋，全新落成，亞運之後將會變成新樓盤發售，令小弟體驗南韓人居住環境，但今次之所以搬酒店，皆因亞運會官方指定計時天梭表非常畀面，邀請本報記者加入天梭觀賞團行列，一齊睇亞運，考察場內的天梭計時儀器。
仲有一個理由非搬酒店不可，就係入住地點係全市最頂級、亞運期間最難訂房的Sheraton酒店，呢間酒店就在主新聞中心旁邊，住咗入去，呢兩晚就唔使逼巴士返傳媒村喇。
由傳媒村搬去5星級酒店，3呎床變6呎床，窗外無敵靚景，做嘢都落力啲，必須強調小弟並非來歎世界，但呢次大賽期間入住豪華酒店的經歷，長氣都要講多句，多謝天梭。