渡海濠情：眼神接觸 聽教聽話
澳洲最近有研究指出，父母如果多用眼神接觸嬰兒嘅話，小朋友長大後性格會變得冇咁暴躁，比較有同理心，嚟自利澳水療嘅美寶就話：「多用眼神接觸男友，佢哋都會聽話啲！」
爆出秘密
美寶話：「以前啱啱拍拖，唔敢望實男朋友雙眼，因為畀佢哋一望，我就會全身軟晒，腦袋一片空白，男朋友話乜我就做乜，記得自己嘅初夜，就係咁樣冇咗。後嚟拍拖經驗多咗，畀人呃得多，慢慢明白男人嘅眼神一啲都唔可怕，反而你做女朋友嘅失驚無神瞪實佢哋雙眼，會有意想不到嘅效果。例如男朋友做咗虧心事嘅話，就會馬上現形，所以我開始有事冇事，都瞪一瞪男朋友雙眼，如果佢含情脈脈咁望番你，咁就證明佢心裏冇鬼；但如果佢開始眼神閃避，甚至不經意做啲多餘動作，咁就擺明做咗虧心事，我一定會大刑侍候，十居其九喺酷刑下都會爆出一啲驚人內幕。有時會係佢哋做嘅錯事，有時係佢哋啲朋友或同事嘅秘聞，所以我手頭上嘅絕密黑材料，真係唔少！」
自動自覺
除了用眼神來試探男朋友有冇做壞事之外，四目交投仲有乜嘢妙用呢？美寶話：「有時大班朋友一齊，男朋友做咗啲你唔喜歡嘅嘢，如果你當住咁多人面前話佢，佢會乜嘢面子都冇晒，所以我只會狠狠咁瞪佢一眼，佢一望到我瞪實佢，佢自然就會收斂落嚟，唔敢再太過分。當然有時佢玩得開心，會存心避開我嘅眼神，呢個時候我會叫佢一聲，佢一望過嚟我就出力一瞪，佢哋就唔敢再放肆，如果我瞪咗佢哋兩眼仲唔識得收斂，咁唔好意思，結果只有一個，就係分手收場。但又唔係次次瞪實男朋友都係責罵佢哋，有時生理有需要時，咁大個人唔通仲話『我要』咩？咁我就會含情脈脈咁望實對方，男朋友一望見我呢個眼神，就會自動做嘢，所以眼神接觸，真係非常有用！」
美寶Profile
年齡：20歲
三圍：35-24-35
撰文：小德
攝影：阿生