占士親子營發放父愛

勒邦占士全程表現投入，證明佢係錫細路仔嘅好爸爸。

新戰鞋或加入囡囡元素

占士完成了北京及廣州兩站活動後，昨晨乘私人飛機抵港，並於下午先到旺角波鞋街NIKE Store與Fans見面。約300名「占粉」塞滿花園街，更有球迷提早3小時到場霸定靚位，要勞煩警方維持秩序。

「大帝」甫到場即令球迷起哄，這位即將第3度做Daddy的Family Man，正與老婆莎雲娜迎接寶貝女降臨，介紹完LeBron XI新鞋後，被問到下一代球鞋會加入甚麼故事及元素，占士表示：「我每對波鞋背後都有一個故事，下一對鞋或者會加入女兒的元素。」雖然未適應時差，但「大帝」全程笑容滿面，聽完球迷分享波鞋故事後，更借粉絲的「自拍神器」伸脷自拍，大搞氣氛。

表演時間，當然少不了大力鋤樽。

范俊業（右）嘅乖仔鍾意打籃球多啲。

黃律堯奪「黃金門票」赴上海

之後占士「轉戰」港大出席親子訓練營，見到一班小朋友的占士即時父性大發，抱抱、擊掌兼送簽名籃球，又大談湊仔經： 「小朋友的笑容令我充滿力量，我希望各位家長千萬唔好逼子女揀選日後嘅路，最重要係畀小朋友自己選擇，享受人生！」前甲一籃球員林俊威及女兒，以及南華守門員教練范俊業，亦有帶同11歲囝囝范麒智出席親子訓練營，范俊業被問到會否介意啱啱升中學的囝囝喜歡籃球多過足球，范俊業也說由佢自己揀。

「大帝」之後重臨旺角，到麥花臣室內場主持「Rise Challenge」籃球選拔活動，期間多次施展插花、投籃及大力鋤樽必殺技。經過連串考驗之後，占士最終將「黃金門票」頒發給黃律堯，後者將代表香港前往上海繼續下一輪選拔，而「大帝」今日將到台灣繼續宣傳活動。