渡海濠情：多交談 利獵男
有指巴西男女比例嚴重失衡，估計全國女人多過男人高達四百萬人以上，早前世界盃期間，大量男性旅客湧入，正好係呢班囡囡出手嘅好時機，所以近日結婚數字大升，嚟自金池桑拿嘅小珍就話：「唔主動啲邊有運行呀！」
未拍過拖
小珍話：「其實好多地方都同巴西一樣男女比例失衡，內地整體數字係男多女少，但我老家就係女多男少，所以一回到老家壓力就會好大，我見好多同鄉姊妹，樣子生得唔錯，身材又好，有啲仲學歷好高添，但一樣搵唔到男朋友，搞到廿幾歲都未拍過拖，我分析過當中原因，就係佢哋太被動，有部分因為從未接觸過男人，一見到男人行埋嚟仲會怕醜，跟住不知所措，啲男仔見到你咁樣，仲以為你神經病添，傾多句都唔想，仲點會話想追你呢？」
多啲練習
咁有冇辦法幫吓佢哋呢？小珍話：「辦法就係要主動啲，你只要多接觸，就唔會怕男人，所謂接觸唔一定個個男人都同佢拍拖，而係多同男人交談，可以搵啲銀行職員、售貨員、服務生等，你主動問嘢，佢哋一定會禮貌地回答，傾得多就會冇咁怕醜，跟手就係要開放自己，衣服要有咁性感得咁性感，只要唔怕畀男人望住，咁你就成功咗七成，最後當然係要實戰，多啲同唔同嘅男仔練習，呢啲嘢只會愈練愈好，咪心邪呀，我講嘅係拍拖！你哋諗咗去邊呀？」
小珍Profile
年齡：21歲
三圍：35-24-34
撰文：小德
攝影：阿德