張恩華進身維拉利爾教練團
另一支出戰「LFP全球挑戰賽亞洲站（香港）」的西甲球隊維拉利爾大軍昨日亦已抵港，「黃色潛艇」陣中有一位香港球迷熟悉的前中國國腳、曾効力南華的後衞張恩華，今次係以維拉利爾B隊教練身份隨隊訪港。
闊別香港球壇多年的張恩華，身形其實有點發福，佢表示自己於2012年加入維拉利爾C隊教練團，其後升至B隊教練團。張恩華大讚西甲球隊規模遠勝中國球隊，令自己學到好多嘢同埋眼界大開。張恩華同時向記者表示，自己正努力學習西班牙文，希望能夠打破言語障礙。
查維亞阿基路愛地道美食
維拉利爾陣中的墨西哥球員查維亞阿基路表示，自己來到香港最想就係試這裏的地道美食，而一眾球員於抵達酒店後即步出附近的海濱長廊拍照留念，對今次賽事表現得非常輕鬆。
其實，今次參賽的球隊都抱輕鬆心態備戰，除了華倫西亞球員昨日一早上山頂參觀外，標準流浪會長莫耀強的新遊艇昨日亦進行下水禮，更邀請一班標準流浪球員出海暢遊！