莊家一面倒睇好熱火

（now 635周一凌晨3時30直播）

溜馬雖在常規賽造出56勝26負的佳績成為東岸頭號種子，但季尾表現低迷，到季後賽亦是時好時壞。相比熱火季後賽以9戰8勝1負輕鬆打入東岸決賽，溜馬首圈就要與鷹隊打足7場，次輪對巫師亦要靠老將大衞韋斯（David West）發威才可進身東岸決賽。美國賭博網站Bovada在東岸決賽勝出球隊項目中，為熱火晉級開出1.24倍超熱賠率，溜馬則為4.1倍，完全睇淡溜馬。

但溜馬主將保羅佐治（Paul George）仍相信球隊有希望衝擊總決賽：「我哋夠硬淨又夠經驗，呢班波已經夾咗3、4年，一直都有出席季後賽，預計到會發生咩事。最重要係球隊做到臨危不亂，所以唔會有問題。」雙方明日將展開7場4勝制的Game 1，溜馬以常規賽成績較佳得到主場之利。

雷霆伊巴卡料提早收咧

另外，力壓快艇打入西岸決賽的雷霆在周二對馬刺前收到壞消息，內線大將伊巴卡（Serge Ibaka）因為左小腿受傷，極有機會要提早收「咧」緣盡季後賽。