拿比亞領康大4度登基

NCAA決賽有幾矚目，就連NBA都要「讓路」停戰一日可見一斑。本仗更吸引了重量級球迷現場睇波，包括美國前總統克林頓及喬治布殊等，二人更坐埋一齊「講波經」。康涅狄格於上半場雖一度大比數領先，但換邊後肯塔基發力狂追，雙方要鬥到最後一刻才能分出勝負。

獲封MOP 稱禁賽變動力

獲得最出色球員獎（MOP）的拿比亞，表現相當出色，全場攻入22分，成為最大贏波功臣。這位4年生賽後「爆料」，說去年「康大」被賽會禁賽，令一眾球員更有決心去爭取佳績：「各位觀眾，之前賽會不准我們參賽，反而令我們更落力、更爭氣，成就我們今日的一切！」

拿比亞（白衫13號）決賽大發神威，做埋賽事最出色球員。（法新社圖片）	肯塔基球員（藍衫）一招「泰山壓頂」，嚇得康大球員手忙腳亂。（法新社圖片）	拿比亞獲「大帝」激讚，「錢」途無限。（法新社圖片）

拿比亞除了當選MOP，更獲熱火「大帝」勒邦占士（LeBron James）激讚為「最佳控衞」。「大帝」在twitter留言說：「今年選秀，冇可能有其他控衞會喺拿比亞之前被選中！」有LBJ睇好，拿比亞無論前途及「錢」途都似錦！

兩位前美國總統克林頓（中排左一）及喬治布殊（中排左二）都有入場睇波。（法新社圖片）	話晒每年盛事，梗係吸引大批粉絲撐場啦。（法新社圖片）	NBA明日賽程表 (香港時間)

傳湖人睇中肯塔基教頭

另邊廂的肯塔基不但失冠，更有可能會失去教頭卡拉柏利。肯塔基出身的前黃蜂球員卓文（Rex Chapman）於twitter爆料，稱曾在90年代末期帶過籃網的卡拉柏利，將會重返NBA執教湖人，不過這位12年NCAA冠軍教頭已「例牌」作出否認。