Jordan2015停產

「波神」上周接受芝加哥電台節目《blade brow show》時，宣布這項轟動消息：「我只希望賣最好嘅波鞋，但過去有啲波鞋質量令我好唔高興，所以我拒絕再同NIKE合作。佐敦牌將會喺2015年成為歷史，我會唔會再開創立另一個品牌？以後嘅事沒人知，目前我只係想用多啲時間陪吓老婆同一對雙胞胎囡囡。」

連番甩底 佐敦耍冧

近年佐敦牌波鞋出現尷尬事件，76人新秀禾頓（Tony Wroten）早前鬥溜馬一戰，其Air Jordan10當眾着到「甩底」，消息指「波神」事後更致電禾頓嘅經理人道歉。馬刺老將真路比利（Manu Ginobili）及勇士中鋒波格特（Andrew Bogut）今季亦試過着爛NIKE球鞋，美媒估計呢個正係佐敦決定與該公司「分手」主因。

去年賺6.9億僅次拳王

山貓班主佐敦自84年登陸NBA後，便開始與NIKE合作，由85年推出Air Jordan第1代後，每年都會有新款上架，截至去年2月已出到第28代，每一代都屬經典。除了Air Jordan外，佐敦牌亦有為NBA球員推出專屬波鞋，旗下代言人包括有安東尼（Carmelo Anthony）、基斯保羅（Chris Paul）、格芬（Blake Griffin）等球星。

根據《福布斯》報道，即使「波神」已退役，但去年收入達9,000萬美元（約6.9億港元），僅次「拳王」梅韋特，並超過所有現役及退役運動員，收入中絕大部分來自波鞋銷售，足證佐敦牌係銷量保證，今次停產消息無疑成為波鞋發燒友嘅噩耗。