大帝喪轟46分教訓母會
「大帝」重臨搞到騎士亂晒龍！熱火「大帝」勒邦占士（LeBron James）昨日回到母會騎士出戰，全場狂轟43分下帶領球隊以100比96擊敗對手。不過，騎士今仗可謂烏龍百出，除了串錯球員名字之餘，又有球迷於twitter預告會硬闖球場，幸好最終未有釀成意外，可以話係不幸中之大幸。
熱火雖有韋迪（Dwyane Wade）因膝傷無法上陣，但「大帝」今仗狀態甚勇，全場19射14中轟入全場最高的43分外，還貢獻了2次偷波及3次封阻，助球隊以4分之差力克騎士。
大有機會於今季後提早結束合約的勒邦占士，賽後稱現時只專注於比賽：「依家我冇諗過提早完約同返嚟騎士打波。熱火得番20場比賽，之後就會打季後賽，嚟緊呢兩個月想有餐好覺瞓都唔容易，仲要我諗未來嘅嘢，真係好困難。」
介紹球員兩度串錯字
騎士今仗雖敗猶榮，但場邊工作人員就大失水準。事緣賽事舉行期間一次暫停時，熱火換入勒邦占士，球場螢光幕竟將「大帝」串錯名變成「LaBron」。不少人以為這是騎士對「大帝」2010年出走的一種報復，但其後騎士中鋒華拿祖（Andersen Varejao）的名字亦寫錯成「Verajao」，認真大頭蝦！此外，有騎士球迷於社交網站預告將會闖入球場，但在付諸實行前就已被驅逐離場。