籌備邁阿密美職球隊
為實現班主夢，碧咸用盡人脈做嘢，據英國《每日郵報》透露，「萬人迷」搵緊水喉注資，同時研究緊點樣推廣球會，消息指佢多番密會勒邦占士，兩人約定明年開會再斟，若果順風順水，預期可落實合作大計。勒邦占士擁有過人財力，而且喺邁阿密極具影響力，有望成為呢間新球會嘅最強生招牌。
查實勒邦占士都唔係第一次踩過界，兩年前佢同利物浦老細約翰亨利名下的芬威體育集團（FSG）合作，成為該集團代言人，仲獲得「紅軍」股份作回報，締造雙贏局面。「大帝」有晒推廣經驗，嚟緊同人肉宣傳機器「萬人迷」拍住上，兩個都係人氣王，呢間新球會想唔紅都難喇！