快艇的班尼斯（Matt Barnes）於日前對雷霆時與對手伊巴卡（Serge Ibaka）發生衝突被逐，班尼斯賽後於twitter寫道：「我好似愛家人一樣咁愛隊友，不過我以後唔會再為佢哋出頭，因為咁樣令我被罰錢。」由於班尼斯於twitter用上種族歧視字眼，結果被聯盟罰款25,000美元，認真肉赤！
騎士女記者喺球隊早前對木狼一仗揸咪講緊嘢時，畀一個籃球由後面擊中，不過女記者一於少理繼續講埋要講嘅稿，表現非常專業。只係畀個籃球咁樣「扑」中個頭，真係幾痛o架！