渡海濠情：搵醫生男友索女最自由
最近有套講述醫生生活嘅電視劇，隨即掀起潮，特別係深受女觀眾嘅歡迎，又難怪，裏面個個醫生都非常靚仔，唔迷死人就奇，而嚟自龍會嘅Abby，除咗晚晚追劇之外，仲話好想識番個做醫生嘅男朋友喎！
慳番唔少
Abby話：「我覺得揀醫生做男朋友，有五樣好處，第一係收入豐厚，每個月閒閒哋十萬八萬，出嚟行街食飯，一定唔會踎大牌檔，食街邊檔；第二就係有愛心，佢哋對病人咁有愛心，對女朋友一定唔會太差；第三就係話晒都係專業人士，形象斯斯文文，唔似啲冇文化嘅男生，一開口就粗聲粗氣，有時仲郁手郁腳，諗起都怕，所以揀醫生最好；至於第四點就係以後有乜頭暈身慶，就可以馬上搵男朋友搞點，唔使輪幾個鐘街症，兼且醫藥費都慳番！」
陪朋友玩
咁都畀你算埋，真係唔佩服你都唔得，至於最後一樣呢？Abby話：「據電視劇講，啲醫生一返工就要返足36小時，有急症時仲唔止添，咁即係只要佢一返工，我就有三十六個鐘嘅時間自由，到時做乜都得，完全冇人管，諗起都開心，唔似普通男朋友，佢哋每日返八至十二個鐘，一放工就會搵你，所以我嘅自由時間最多得十二個鐘，最慘嘅係我啲朋友放工，佢又放工，想陪吓朋友玩都唔得，但醫生就唔同，只要佢返咗工，玩足三十六個鐘都可以！」
Abby Profile
年齡：21歲
三圍：34-23-35
撰文：小德
攝影：阿昌