今屆大賽車鑽禧紀念，增設一項懷舊賽事，就係尚酷R中國大師挑戰賽，邀請多位車壇前輩名宿重臨東望洋拗手瓜，香港代表車手有傅厚澤同仇偉冠。除咗鍊車，更係一班「老友記」敍舊好機會，回味那些年一起鍊車的日子。「仇師傅」仇偉冠最有計，佢搵埋兩位日本老對手，津津見友彥同見崎清志排排坐傾偈，呢個畫面簡直係「那些年」同「頭文字D」電影海報嗰啲「甫士」，但見三人互道近況，有說有笑，甚為長氣。