莫他拿揚威奧迪盃
「澳門先生」莫他拿又贏！這位26歲意大利車手昨在奧迪R8 LMS盃10圈賽事由頭帶到尾，輕鬆取勝，創下澳門五年奪五冠嘅輝煌紀錄，嚟緊澳門大賽車第二周他會在新濠天地澳門GT盃力爭三連冠，並朝雙周賽奪兩冠及五年奪六冠等神級紀錄進發。
近四年奪得兩屆F3及兩屆GT盃冠軍嘅莫他拿，昨在奧迪盃全無對手，以30分18秒584獲勝，澳門車手古圖獲亞軍，中國車手方駿宇獲季軍。
在澳門逢出必勝嘅莫他拿，難得仍能保持謙虛態度：「東望洋出名難度高，天雨及濕地更令賽道難度大增，令車手很容易出錯，其實在10圈比賽中，古圖給我很大壓力，令我不敢有任何鬆懈。」莫他拿感謝奧迪及工作人員嘅協助，今次來澳門，捧走奧迪R8 LMS盃只完成了一半行程，他說：「我一口氣參加奧迪盃及GT盃兩項賽事，全賴奧迪背後全力支持，工作人員亦作出很大貢獻。」
李英健膺總季軍
澳門站為奧迪R8 LMS盃全年賽事嘅尾站，今站獲得第三名嘅中國車手方駿宇，總分力壓馬來西亞前F1車手熊龍，奪得專業組全年總冠軍，上屆總冠軍李英健獲得第三名。李英健昨以第四名完成賽事，雖未能「企櫈仔」登上頒獎台，但排第五出賽佢先後挑戰程叢夫及方駿宇，掀動觀眾情緒，並造出全場最快圈速，比莫他拿更快，算係一吐烏氣，更燃起鬥志要在新濠天地澳門GT盃再度挑戰莫他拿嘅王者地位。
周兆年、黃兆崑澳門直擊