車路士班主阿布拉莫域唔單止份人揮金如土，原來做善事都非常闊綽。呢位喺俄羅斯富豪榜位列第8嘅有錢佬，從未忘記要回饋祖國，在2010至12年期間，共捐出約3.1億美元(約24億港元)，當中有三分之一嘅善款，用作楚科奇自治州嘅社區建設，呢度亦係阿布曾做過州長嘅地方。由於阿布咁樂善好施，比俄國首富、阿仙奴股東奧斯曼諾夫捐出嘅2.47億美元(約19.2億港元)仲要多，令佢榮膺俄羅斯慈善家嘅「冧巴溫」，認真發財立品。