紐約人盡情殺綠
NBA季後賽今晚深夜Tip Off，首圈焦點必數東岸大戰紐約人硬撼塞爾特人，兩軍球星安東尼（Carmelo Anthony）及加納特（Kevin Garnett）於常規賽已經結怨，加上兩座城市在體壇史上的敵對關係，勢必令整個系列賽升溫。紐約人大前鋒史杜迪米亞（Amare Stoudemire）於大戰前夕推出紀錄式電影為兄弟造勢，出爐「得分王」安東尼亦誓言今仗要攻破「綠軍」塞爾特人的「車輪防守陣」，藉以打響Game1頭炮！
紐約與波士頓無論在棒球（洋基與紅襪）抑或美式足球（噴射機和愛國者）聯賽，所屬隊伍都是傳統的宿敵，加上塞爾特人中鋒加納特今季曾以「嗒過」安東尼太太LaLa作挑釁，雙方今次交手肯定話題十足。
「車輪陣」招呼安東尼
據美媒報道，紐約人大前鋒史杜迪米亞有望於首圈賽事傷愈復出，其紀錄性電影《In The Moment》已落實於當地時間周六上映，「A米」稱希望以自己的勵志故事激勵一眾隊友，齊齊向總冠軍目標進發。
塞爾特人主帥李華士（Doc Rivers）昨日接受訪問時透露，已部署派遣三至四名球員以「車輪防守陣」招呼安東尼：「畀安東尼攞40分冇問題，但我預期佢要出手40次先會達標，咁樣可以削減佢嘅效率！」
安東尼今季四鬥「綠軍」僅得35%投射命中率，不過「甜瓜」就雄心壯志作出反擊，揚言可以隻手打殘成隊都係「老弱殘兵」的塞爾特人，睇怕除加納特之外，塞爾特人另一代表人物皮雅斯都要以最佳表現作為回應喇！事實上，以紐約人季尾的走勢，主場出擊相信可先下一城，讓6.5分照捧上盤。
（周日凌晨3時開賽）