渡海濠情：填補寂寞心鐘點情人冧！
韓國有間「鐘點丈夫」專門店，每逢周末就有唔少單身女士光顧，當中不乏專業人士同埋高級管理人員，呢啲「鐘點丈夫」會陪佢哋歡度周末，但不包括色情服務。而嚟自凱旋桑拿嘅琳琳，話都好需要幫襯一下。
親親熱熱
琳琳話：「我失戀咗三個月，所以好知道呢班姊妹嘅需要，事關每逢周末行出街，只見個個一雙雙、一對對，你就形單影隻，本來好好心情，都會馬上變得冇晒心機，好似上星期同班朋友出去玩，見佢哋成雙成對，只有我一個單身，心情即刻Down晒，最攞命仲係喺我面前又攬又錫，甜蜜到冇人有，完全當我冇到，搞到我未食完飯，借意話唔舒服走先，當其時真係想求其搵個男人嚟填補吓空虛，你話有鐘點丈夫，我第一個去捧場呀！」
冇乜所謂
但係不包色情服務喎！琳琳話：「我要嘅只係周末有人陪吓，行吓街，睇吓戲，至於冇色情服務又有乜所謂，何況人家知書識禮，你以為我係啲濫交妹咩？」睇落琳琳斯斯文文，又唔似嘅，但用錢買番嚟嘅情人，有感覺咩？琳琳話：「同個喜歡嘅男仔出去拍拖當然最好，但邊有咁多個自己喜歡，佢又好鍾意我嘅男仔，橫掂都係拍散拖，所以有冇感情，真係冇乜所謂囉！都係嗰句，有個人陪吓就已經好好o架啦！」
琳琳Profile
年齡：21歲
三圍：34-23-34
撰文：小德
攝影：阿程