培正靠神奇貼紙護級
每年港九區校際D1田徑賽不只團體總冠軍爭得激烈，為護級都一樣鬥得燦爛，其中香港培正中學就完成任務，男、女子田徑隊分別取得團體總成績第14名及第10名，齊齊護級成功。港將呂麗瑤笑說多得面上貼紙「扯住」肌肉，令大家記得學校，更有爭勝心！
呂麗瑤在200米、100米欄和4x100米接力得兩金一銅，她表示雖然要考文憑試，但為學校仍會出來比賽：「幫到手就一定幫，我本身想喺100米欄破紀錄，可惜做唔到。全隊上下喺最後一天都喺面上貼上寫有培正字樣嘅貼紙比賽，可能因為『扯住』肌肉，令大家更專心去跑，表現簡直如有神助。」她表示應該會待學校考試後才慶功，自己之後亦會專心準備文憑試，今年目標希望代表香港出戰東亞運。