渡海濠情：誤交乸型男 情傷到喊！
身邊好多女性朋友，都喜歡同啲娘娘腔嘅男生交往，據美國一大學研究所得，女性普遍認為呢啲男人冇乜殺傷力，但呼籲大家千萬不要睇小佢哋，年中不知幾多囡囡衰喺佢哋手上。嚟自極品桑拿嘅靚女詩詩，就話曾經被佢哋情傷過。
高潮迭起
詩詩話：「我之前識到個男仔，佢做髮型嘅，見佢姐手姐腳，講嘢仲嗲過我，佢仲話自己唔喜歡女仔，於是咪同佢做埋深閨密友囉！我不時喺佢屋企偈傾偈通宵，仲攬埋一齊瞓覺添，起初幾次都冇事，但有一晚我哋齊齊劈酒，酒後佢竟露出真本性，大顯男士魅力，搞到我高潮迭起，之後咪同佢一齊囉！起初我仲以為自己魅力超凡，可以將孿嘅都拗番直，點知無幾耐佢又用同樣嘅手法去溝其他女仔，我至知佢根本就喺扮晒嘢嚟溝女。」
啞口無言
咁嘅男人唔教訓吓佢點得呀！詩詩話：「唔好提！我走去佢舖頭同佢反面，佢竟然話我迫佢接受女人，仲喊晒口話接受唔到！我當時真係啞口無言，有苦自己知。」咁你仲會唔會同啲娘娘腔嘅男生交往呢？詩詩話：「見過鬼仲唔怕黑咩！我以後都唔敢再惹呢啲人，事關識個女仔畀佢出賣，或者識個男仔畀佢出賣，呢啲都容易接受到，但佢咁樣出賣你，就真係接受唔到囉！」我都接受唔到呀！
詩詩Profile
年齡：21歲
三圍：34-23-34
撰文：小德
攝影：阿生