杜韋諾估佢唔到咁好波

牙買加的短跑飛人保特，在奧運後多次揚言要加盟英超勁旅曼聯，但一直只係得個講字；反而在香港，卻的確有一位短跑飛人轉戰足球圈，早前更由幕後（體能教練）轉戰幕前，並在預備組聯賽中粉墨登場，一嘗馳騁沙場的滋味，這位跑而優則踢的「奇人」，就是前香港200米短跑紀錄保持者杜韋諾（阿Lok）。

今日‧足球悍將

踢預備組過波癮

如果你是本地田徑迷，對於杜韋諾這名字一定不會感到陌生。他與蔣偉洪、鄧漢昇及何君龍組成的4乘100米接力隊，是香港首支跑入奧運的田徑接力隊，多年來奪獎無數。但其實現年33歲的阿Lok一直鍾情足球，為免影響跑手生涯，至退役後才正式投身足球圈。身為拔萃男書院田徑隊教練的阿Lok，多年前在同校足球隊教練馮凱文引薦下，加盟丙組五一七；今季適逢南區體能教練離隊，馮凱文便再向阿Lok招手，更讓他兼任預備組球員「過波癮」。

阿Lok年輕時跑100米只需10秒54，馮凱文直言他的速度在足球場上十分煞食：「阿Lok慣常踢右翼，我和他踢了一季丙組，印象中他速度奇高，對手跟他鬥走必輸無疑，是球隊一大武器。」到了今季，阿Lok才首次在預備組聯賽上陣。採訪當日適逢南區大戰太陽飛馬，下半場上陣的阿Lok多次高速在右路快放，間接導致對方左後衞抽筋離場。

昔日‧短跑飛人

預備組登場嘅阿Lok（左）腳法唔錯又有速度。

心理輔導佢都掂

相比起親自落場比賽，阿Lok話首次擔任甲組隊體能教練才是最大挑戰。他直言訓練足球員，跟平日指導田徑隊有很大分別：「始終足球是團體運動，我不可能像教跑步般，為個別人去安排訓練內容。最開心是球會及球員都很信任我，本身具備一定知識的外援也願意和我交流，令大家都有得益。」除此之外，他更身兼心理輔導員，在訓練及比賽後，去開解一些情緒不穩的球員。

阿Lok私相簿阿Lok（左）巔峰時期曾為香港田徑隊立下不少功勞。	同凌婉婷經常「拍拖更」出席大型運動會。	你估吓阿Lok身邊呢位係邊位？咪係方力申咯！
喺球會除咗教體能，仲要做埋心理輔導。