渡海濠情：挑戰一分鐘 誓讓男心動
有調查指男士喺約會女士嘅過程中其實好被動，若然女方冇少少反應嘅話，男方都唔敢貿然出手。唔知係咪咁嘅原因，澳門利澳水療嘅雪雪就話與其等男士主動，不如自己行動最實際，而佢更稱可以喺一分鐘內令男士心動添！
極速搞掂
一分鐘可以打動男士嘅心唔係唔得，呢種方法相信好多男士都知係乜，就係露出半條事業線，跟住姣問對方可唔可以陪佢過夜。點知雪雪聞言即擰晒頭話：「梗係唔係咁做啦！呢啲叫做色誘而唔係溝仔，我講緊嘅係喺一分鐘內讓男士心動，情況好唔同。」雖然唔知有乜嘢分別，但既然雪雪咁講，唔知佢有乜辦法喺一分鐘內溝到仔呢？雪雪就話：「方法有好多種，例如玩魔術、講笑話等，而我覺得最有效嘅就係講笑話。因為咁樣可以最快嘅時間，令對方對你留下深刻嘅印象，想有進一步發展話都冇咁易。」
有心就嚟
講笑話確係遇上新相識男士時，最好打開話匣子嘅方法，至於係咪真係可以同對方有進一步嘅發展卻有待商榷。事關對方可能以為你只不過想識多個朋友，咁咪會變咗神女有心襄王無夢？雪雪點頭話：「若然對方係有心嘅話，自不然會同你發展落去，反之，如果佢冇心嘅話，你亦唔使花時間，咪當識個朋友都冇壞。」OK！咁發展落去係指乜嘢呢？雪雪笑道：「咁就梗係同佢飲吓酒、傾吓偈啦！因為我對性唔係咁隨便，要有深入啲嘅認識後至會曳曳。」其實呢種方法同樣可以掉轉用喺女士身上，想學嘢真係要同雪雪取吓經喇！
雪雪Profile
身高：5呎4吋
三圍：34、24、34
撰文：魂
攝影：文