石仔帶尼古恩睇夜景
香港體操「王子」石偉雄與德國體操「男神」尼古恩認識多年，「石仔」表示以前出外比賽已經常相約對方四圍觀光，今次難得好朋友來港，當然要一盡地主之誼，前晚做「導遊」帶尼古恩上山頂睇夜景，之後又到「老蘭」蘭桂坊，令尼古恩大開眼界，更笑說想留港一年呢！
殺入「老蘭」險釀騷亂
事實上，倫奧全能亞軍尼古恩近日多次在facebook上載自己在香港拍得的相片，顯得對經常被「女圍」及受到支持相當受落。尼古恩今次來港活動排得密麻麻，除夕夜到尖沙咀倒數，今天又會到奧海城參加親子班和到屯門出席簽名會，但之前仍抽時間跟石偉雄敍舊。「石仔」說：「我們晚上上了山頂看夜景，他大讚景色非常美麗。」之後兩人齊齊到蘭桂坊「摸下酒杯底」，不過因為尼古恩暴露了行蹤，吸引大批人圍觀，「石仔」笑說要「拿拿聲拉走佢」，避免引起混亂。
其實「石仔」最想帶尼古恩返屋企食飯，奈何時間緊迫未能成事，惟有等這位德國「靚仔」下趟私下再來港時完成「心願」。據悉尼古恩亦相當識做，會送份禮物給「石仔」。