當今世界上能夠追到保特的人，或者只有女人！這位牙買加飛人奪得倫奧100米金牌後，即被多位靚女追纏，瑞典女子手球隊三美最幸運，以要求「特別指教」為名，獲得保特教練批准，於決賽後的深夜時分，入到保特的奧運村房間，展開三個鐘馬拉松式派對狂歡至約凌晨3點，簡直想「放乾」這位地上最快，保特小心餘下比賽腳軟呀！
瑞典女子手球隊今屆奧運五戰全敗出局，三位球員古伊登、羅拔絲及卡欣，竟然想到搵保特「指導」提升實力，但其實是想親近偶像。她們先在餐廳冧掂保特教練，順利與飛人見面。保特見到有三位靚女fans送上門，自然來者不拒，順便喺房間開派對慶祝奪金，盡享齊人之福，完全將之後嘅200米跑拋諸腦後。
有傳保特好大方，更邀請牙買加男子十項全能選手麥華斯史密夫一齊玩。派對中眾人毫無顧忌，仲即時將合照放上社交網分享。22歲嘅羅拔絲透露，我哋喺房內只是傾偈同分享相片。23歲嘅古伊登及31歲嘅卡欣都是効力丹麥球會，老友鬼鬼，一直崇拜保特，終於把握今次機會「一親香澤」及學習田徑技巧。之前保特話唔知奧運村有安全套，相信佢同三嬌應該都無曳曳。
除咗三位手球員外，英國女子400米跑銀牌得主奧古魯格亦喺保特奪金後，上前向飛人送出香吻。前英國女子組合Spice Girls成員Melanie C亦搶住與保特合照，並自豪放上社交網炫耀。