渡海濠情:面對壓力 曳曳唔積極

今屆奧運運動員受壓失準嘅情況特別嚴重,當中唔只初哥,就算好有經驗嘅選手都一樣中招,令成績大跌。嚟自9號會所嘅糖糖,佢都話試過一受到壓力,表現就會大失水準,講得咁專業,唔通糖糖以前亦係運動員?點知佢講嘅係床上表現!

大打折扣

糖糖話:「我啲男朋友,如果喺屋企溫馨嘅話,佢哋嘅表現就會十分正常,但有時我希望刺激啲,走去戶外地方打野戰嘅話,佢哋嘅表現就會因為受壓而差強人意,例如我哋開車去山頂野戰,要去幾次之後,等佢習慣咗場地,男友們先至會回復狀態,所以運動比賽中有話佔主場之利,原來係真o架!」去野戰有啲乜嘢壓力呢?糖糖話:「啲男人天生細膽,一邊親熱,一邊會監視車外嘅情況,睇吓有冇乜嘢風吹草動,由於精神放咗去啲唔重要嘅地方,所以該做嘅事就會大打折扣。」

隨遇而安

除咗野戰會受壓失準,仲有乜嘢其他類似情況呢?糖糖話:「每次有啲突發事情,影響咗男朋友嘅預先計劃,佢哋都會受壓而表現失準,我舉個好好笑嘅例子,我哋去開房,男友諗定先鴛鴦戲水,再上床邊睇四仔邊親熱,點知間房啲熱水又唔熱,冷氣又唔凍,電視又冇鹹片睇等,男友即時手足無措,喺房嘈幾個鐘都唔捨得上床,上到床後都係草草了事,呢啲突發事件嘅壓力,有時都幾難面對o架!所以凡事平常心面對,隨遇而安,去到邊咪開心到邊,好似我咁樣,床上表現就冇咁易失準。」

糖糖Profile

年齡:22歲

三圍:34、23、34

撰文:小德

攝影:阿德