雖然未能入選大軍，但碧咸日前仍同威廉王子齊齊支持英國男奧足，見到老友傑斯入波拍爛手掌！英國當日擊敗阿聯酋，「萬人迷」睇得投入，與威廉王子談笑風生，反而囝囝布魯克林就黑晒面，或者戥老竇冇得落場唔抵！
碧咸雖冇份踢男奧足，但仍積極支持祖國搞奧運，除於開幕式擔當要角外，日前仲帶布魯克林，同威廉王子入場撐英國隊場。當睇到傑斯入波，「萬人迷」同王子企晒起身拍掌，仲「直豎拇指」大讚英國隊好嘢。碧咸人氣勁爆，當日在場唔少球迷，就戴上「萬人迷」面具睇波。
碧咸繼續有威水嘢，佢喺facebook嘅fans數量已達2,000萬大關，當然要影水相喇！