肺癌好爸爸靠標靶藥續命

顧家好爸爸梁全辛勤大半生,好不容易終於捱到兒子畢業,正擬一家外遊慶祝兼享天倫樂之際,竟證實患上第四期肺癌。面對突如其來的壞消息,家人難以接受殘酷事實的同時,更為籌集醫療費用而大感徬徨。梁全多年來為養家而「餐搵餐食餐餐清」,因無法負擔每月高達一萬四千元的標靶藥費而向東方日報慈善基金求助,冀能在善長支持下獲取一線生機。

現年五十六歲的梁全為地盤工人,月賺約一萬三千元以養活一家四口,二十多年來早出晚歸,工作所得俱用於生活開支與子女學費。「佢好勤力,朝早七點出門口,夜晚八點先番到屋企,平時冇乜娛樂,唯一樂趣就係同仔女傾偈。」梁太談及顧家丈夫時坦言,一家生活雖不富裕,卻是樂也融融。

辛勞二十多年,梁全指兒子今年終於畢業,原打算一家人到台灣旅行慶祝,距料尚未成行,梁全卻證實患上末期肺癌,不單因病無法遠行,更為應付醫藥費而令一家生活陷困,「我哋未試過一家人旅行,佢話阿仔畢業諗住平平地去台灣玩幾日,但依家都唔敢諗仲有冇機會……」梁太強忍淚水地說。

「最唔放心係屋企人」

梁全生性樂觀,經常笑面迎人,但面對突如其來的癌症亦一度不知所措,「真係冇諗過自己會有呢個病,個心好亂,最唔放心係屋企人,個仔啱啱畢業仲未有嘢做,屋企得我一個搵錢,我有事都唔知佢哋點算。」梁全直言最不放心都是家人,希望能早日痊愈;更指能看着子女成長獨立,便是一生中的最大成就。

屯門醫院發言人表示,病人證實患上第四期肺癌並已擴散至腦部、骨骼及胸膜。醫生建議病人接受口服自費標靶藥物「吉非替尼」(Gefitinib)治療,每月約需一萬四千元,治療期一般為十二個月。

捐款編號:12283

記者:楊育輝

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報