【vincent廣州直擊】中超勁旅恒昨於足協盃第4圈賽事，憑外援射手巴里奧斯直接同間接炮製2個入球，帶領球隊以2:1反勝河南建業！
廣州恒大於主場迎戰河南建業，客軍王嘉楠在完半場前射入世界波，以1比0領先。易邊後34分鐘，主隊巴里奧斯門前射入扳平，89分鐘，李建華左路傳中，巴里奧斯門前閃過後皮球直入網窩，最後恒大險勝1球晉級。
同晚上海申花作客長春亞泰，原本話畀杜奧巴後備上陣30分鐘，但教練團怕佢3個星期冇練波易傷改變主意，最後申花同亞泰90分鐘踢成1:1，互射12碼輸埋3:5出局。此外，據講青島中能願意開出兩年1,800萬美元（約1.4億港元）合約，吸引舒夫真高加盟，「軍刀」正同家人商量加盟可能性。