由九六年亞特蘭大奧運開始，今屆係日本連續第五次取得奧運男子足球參賽資格，最佳成績係二千年悉尼奧運進身八強，其餘三次均在分組賽出局，其中上屆京奧更加錄得三戰全敗史上最差成績。作為目前世界排名最高嘅亞洲國家，日本當然唔容許同樣事情再次發生，今屆日本強陣出擊，希望可憑「德甲五虎將」一圓奧運金牌夢。
日本今屆被編入D組，同組有近年橫掃球壇嘅奪標熱門西班牙，另外兩支球隊洪都拉斯及摩洛哥實力跟日本不相伯仲，出線形勢未算悲觀，日本能否突圍，將取決於五名効力德甲球會嘅小將表現。
五名外流球員入面，以曾効力拜仁慕尼黑嘅宇佐美貴史名氣最大，宇佐美貴史當年以十七歲之齡代表大阪飛腳於日職上陣兼入波，打破球會紀錄而一戰成名，之後獲得德甲班霸拜仁青睞人氣更高企，雖然佢喺拜仁坐多過踢，但未有消磨其鬥志，為證明自己實力，宇佐美貴史來季決定轉投賀芬咸，希望闖出一片天，如能手執一面奧運金牌加盟新東家，相信對佢嚟講會更具特別意義。
後防方面有一對冇血緣關係嘅「酒井兄弟」，「高德」雖然細「宏樹」一歲，但比後者早一步登陸德甲，而且佢媽媽係德國人，喺適應方面明顯較優勝。酒井高德上季中以借用形式加盟史特加，正選上陣十四次兼取得五次助攻，成功用表現證明自己有實力於德甲立足。酒井宏樹則係上季日職新人王，協助柏雷素爾歷史性首奪聯賽冠軍，來季將會披上漢諾威球衣出現於德甲賽場。
清武弘嗣係香川師弟
二十二歲前鋒大津祐樹和酒井宏樹同樣來自柏雷素爾，雖然佢喺○一年加盟慕遜加柏後上陣次數唔多，不過佢嘅射術及竄擾力依然係目前奧運隊中數一數二。至於効力大阪櫻花嘅清武弘嗣踢完奧運後才會正式向紐倫堡報到，不過佢嘅師兄香川真司於德甲有幾犀利已經唔使多講，所以外界都唔會低估清武弘嗣嘅真正實力。
後衞
22歲
効力球會：漢諾威
中場
22歲
効力球會：紐倫堡
中場
20歲
効力球會：賀芬咸
前鋒
22歲
効力球會：慕遜加柏
後衞
21歲
効力球會：史特加