葉姵延輕裝上陣戒心急
失敗乃成功之母，四年前北京奧運首圈出局，令當時首戰奧運嘅「黑妹」葉姵延耿耿於懷，不過走出昔日低潮，「黑妹」直言今屆倫奧不論於球技或心智上均是成熟期，提醒自己「忌心急」，希望發揮水準爭佳績。
08京奧「黑妹」正值傷病期，狀態為職業生涯低潮，負傷出戰下於首圈遭淘汰，「黑妹」直言那年奧運係遺憾，所以希望今屆一雪前恥：「最重要係學會放低心理包袱，因為每次上場都好心急，冷靜不來就打唔出水準。」前港隊總教練陳智才亦會以領隊身份帶隊，心理輔導幫助港將，「黑妹」亦揚言會以「才叔」經典金句：「輕裝上陣」戰倫奧。
至於首戰奧運嘅黃永棋則「初生之犢不畏虎」，他表明想喺倫奧攞獎牌，但目標先在打好每一場：「我早前喺印尼練習覺得技術上有所提升，我好有信心，希望可攞獎牌。」港隊3女1男代表將於7月23日出發倫敦。