謝影雪 潘樂恩女雙凹凸配
女雙小將謝影雪及潘樂恩同樣首戰奧運，二人合拍兩年一圓倫奧夢，全因球場上性格「一凹一凸」互補不足，兩位「姐妹花」更揚言倫奧要吸收大賽經驗外，亦希望於比賽後化身「追星族」，一睹美國夢幻隊及網球名將拿度嘅風釆。
目前世界排名21嘅謝影雪及潘樂恩，笑稱能取得倫奧入場券全因兩年前「一拍即合」。謝影雪表示：「兩年前教練突然叫我同潘樂恩試打女雙，點知第一次打已感覺唔錯，之後仲愈打愈夾。」謝影雪坦言自己負責搶攻，潘樂恩則擅於冷靜睇準機會突擊。
而喺比賽之餘，二人都想趁機睇吓其他世界頂級球星風采，潘樂恩話：「希望比賽後有時間去睇其他比賽，如費達拿、拿度等，籃球就梗係想睇美國夢幻隊同西班牙，應該會好刺激。」