阿June自細玩開舞台劇，跟過詹瑞文學戲，目前做緊舞台劇團行政工作，時間許可就會粉墨登場過吓戲癮。
阿June係香港典型「剩女」，依家雖仍然單身，但深信寧缺莫濫，如果條件唔啱，就唔會夾硬嚟隨便戀愛。
問到鍾意邊類男仔，阿June話：「我鍾意成熟穩重嘅男生，但佢都要有幽默感，令到我開心好重要囉，成日苦口苦面點得呀！」咁你會唔會去相睇或speed dating識男仔？「老實講我唔介意，起碼都實牙實齒面對面了解嘛！好過依家嗰啲識伴侶apps，樣都未見過淨係打字，好信唔過！」