渡海濠情：性急女王 最愛大色狼

值得欣賞

男人表現得稍為鹹濕啲，女人見到就算唔走夾唔抖，都起碼會自動彈開十幾丈遠，驚死對方會抽佢水。不過曉曉遇着呢啲男人，不但唔會有咁遠避咁遠，仲會反過嚟相當嗒糖，究竟曉曉睇中呢亭男士乜嘢呢？唔通真係貪佢夠鹹濕？曉曉笑道：「我知道你喺度諗乜，你以為我份人鹹濕，先至會睇中呢啲表現鹹濕嘅男人嘛！如果你咁諗就錯喇！須知道鹹濕係男人嘅天性，不論佢表現幾咁斯文，或者幾咁有涵養，骨子裏佢都有鹹濕嘅本質。如果你從呢個角度嚟睇嘅話，就會發現表面愈君子嘅男人，佢哋其實愈虛偽，反而肯喺女人面前，表現出佢真性情嘅男士，呢種坦白嘅表現更值得人哋欣賞。」

狂野奔放

話就係咁講，只係曉曉唔驚對方不但表現鹹濕，手腳亦好鹹濕，見到女就要鹹濕一番咩？曉曉嘻嘻笑道：「咁就梗係唔係話佢哋舉止真係咁鹹濕又咁狼胎啦！之但係勇於表現佢哋鹹濕一面，又真係好抵讚喎！我最欣賞佢哋只係對住索女先至出手，咁至顯示出佢哋有品味……」咪住！曉曉嘅意思唔通係指，佢哋淨係鹹濕？曉曉大笑道：「可以咁講啦！我呢亭索女有樣又有身材，唔通唔鹹濕我，而去鹹濕一啲冇咁索嘅女仔咩？話又講番轉頭，我又幾享受畀佢哋鹹濕架！因為我份人唔鍾意啲人太過婉轉，想錫咪錫，想抽水咪抽水囉！使乜畀咁多理由呢？」係嘅！其實遇着個咁索嘅對手，又真係好難忍得住手，唔鹹濕佢嘅，係咪？

曉曉Profile

三圍：35-24-34

身高：5呎3吋

撰文：魂

攝影：生